周星驰--赌侠剧本（粤语对白片段） 搞笑出场 星（倒立）：阿叔啊，啲面林嗮喇！因住啲汤滚写嗮啊！得未啊？ 星（倒立完落地，伸展手臂）：渌碗面都渌成个月嘅，你真係！ 达：毕紧喇，衰仔！（递碗面到星仔面前）咧，饿鬼咁，你真係吖。 星：出年先摞出嚟吖，不如。 达：yeah？你个咩头啊？ 星：人头啰。 达：啊——。哇，禁用词语开咗嗱，对对先。18...车！餐餐都中得三个冧巴。 达（望住星仔食面）：喂喂，衰仔呀，唔好食住，唔好食住，帮阿叔用啲特异功能卒下佢，卒到佢六个冧巴都中嗮，拍硬当。 星：我同你讲咗一百次都有啦，我用特异功能赢番嚟嘅钱係只可以做善事不可以使家嘛，若然使第一次... 达：就衰，第二次就扑街，的三次就冇命吖嘛。（走开） 星：喂，头一次我地喺大档赢咗钱就即刻俾人打咁就够当黑啦。唔系点解上次赢咗成千晚都全去做善事啫，如果我哋今次再够胆用啲钱就真扑街咖喇。 达：阿叔係都唔出街，咁又点扑街呀？吓？ 星：咁你即係係都唔信我咯啵？ 达：5 星：呢啲就係上次捐剩嘅钱尾，王晶姐姐 晶：咩事呀？ 星：嗱，大家同屋共主有嘢益你喇，今晚你唔使番大富豪 晶：你养我啊？ 星：冇错，呢度钱全部俾你嘅，今晚你剩係陪我阿叔得嘞。 晶：哇！你发达啊？ 达（个样好淫）：唔係呀，发姣咋！唔好嘥时间，唔好嘥时间！ 星：係啰，係啰，嗱嗱声啦。 星（伸头出窗向上望）：有冇搞错啊？成日抌男人**落嚟，屋企冇女人咖？ 达（丘裤走出冲量房）：一世人两叔侄，一齐冲咧。 晶：喂，去边啊？（旧番枧滑咗出嚟） （阿达踩中旧番枧同埋星仔一齐从窗口跌落楼。） 两人：啊————（跌落个棚架） 达：哎，大命，大命... 星：係咪呀，我都话扑硬架啦，你而家信我咧？ 达：仲未，仲未。 （个棚架松咗） 达：咦。做咩啊？ 星：扑街啰。 达：唔係挂？ 两人：哎呀！ 决定跟赌神学赌术 星：人扑你扑，你又会扑到好似个阿差咁样嘅？ 达：每个人都有啲地方係特别脆弱嘅。阿叔就啱啱喺正个头度，你吹得我胀咩？ 星：吹唔胀，你而家咁有型点敢吹你胀啫？（捧住两碗面）你唔食架啦，可？ 达（鼻哥窿有条面）：有喇！ 星：唔，咁食面新招嚟啵，係叫咩明堂啊？ 达：咩呀？呢招阿叔自己创嘅，你吹得我胀咩？嗱，衰仔，话时话吖，以我哋两叔侄咁嘅人才，有咩理由喺处捱公仔面吖？係，虽然你赢番嚟啲钱唔可以摞嚟使呀，既然係咁，你不如真真正正学赌术，到时咯喔，赢尽天下嘅黄金美女，靓车靓屋。97之后啲大佬走嗮，阿叔实行做李嘉诚！ 星：好啊好啊！我做郑裕玲！ 达：郑裕同啊，哼！ 星：吖，係。咁我跟边个学好呢？（望到墙上赌神张相）赌——神——！？ 达：冇错喇，就係赌神。只要你做咗赌神嘅徒弟，到时就可以赢到飞，赢到开行。以后养埋阿叔过世都得啦！ 星（揽住阿叔）：阿叔！我冇话过养你啵！ 星爷拍Video （用脚艰难转动转椅，转到镜头面前） 昨日，我个菲律宾工人行过街市，听到有个卖鱼佬讲话有条有仔叫做赌神，係你。 （大笑） 我当堂吓咗一跳，然后得啖笑。 （王晶姐姐喂星仔食面，啲面跌嗮落件衫度） 呢个世界居然有人自称为赌神，咁即係分明当我流啫。嗱，我叫赌圣，你睇牌都用隐形液精体眼镜吖，我就睬你都嘥气，直程睇穿牌嘅。呢啲就叫特异功能。 （王晶姐姐取出一只A递俾星仔） 呢度有只烟士，只要我轻轻一卒——就即刻变为一只“巢”咗嘅烟士，因为我未发功吖嘛，我发咗功呀变副麻雀出嚟都得。你话我果然无厘头啊我够话你瞓醒戆九九咯。望咩啊？条气唔顺呀发个轮过嚟大家研究下，当然你要补番一百几十万过我就唔在讲咖啦。啤咩啊？学嘢唔使钱呀？抄底我联络电话係香港：3345678，我再重复一次，係香港：3345678。你唔搵我我冇所谓，因为呢啲係你嘅损失。十点后钟唔好打嚟，因为我瞓咗。 （继续食面） |
网站地图| Archiver|小黑屋|纪录片下载-纪录片从业者-纪录片部落-电影拍摄-导演知识-电影学习
GMT+8, 2024-4-20 16:21 , Processed in 0.060170 second(s), 19 queries , Gzip On.
Powered by xitonge.com @2010-2024
Copyright © 2010-2024, xitongle.com.
免责说明：本站所有纪录片视频、图文介绍等均来自于互联网网友分享，纪录片部落仅支持web页面展示和文字介绍，绝不提供在线观看和存储服务，也不参与录制、上传、压片。若本站收录内容无意侵犯贵司版权，请发邮件【a885185#163.com】联系本站，我们将在第一时间回复邮件、同时删除侵权内容。谢谢！
